آخر الأخبار
الرئيسية / الرئيسية / واش فكرتو فهادوك لي معندهم والو مساكن مقطعين كيفاش أيكون حالهم دبا !! بقلم رشيدة دا

واش فكرتو فهادوك لي معندهم والو مساكن مقطعين كيفاش أيكون حالهم دبا !! بقلم رشيدة دا

Spread the love

بن الطيب سيتي

 

بقلم رشيدة دا

 

شفتو شحال البرد هاد الأيام ..!! واخة لبسنا مزيان وكنتغطاو مزيان وكيذرنا البرد ، واش فكرتو فهادوك لي معندهم والو مساكن مقطعين كيفاش أيكون حالهم دبا ..؟؟!!
أغلبنا مني كنحلو البلاكار كنلقاو بزااف ديال الحوايج فات عليهم العام وملبسناهمش يا حيت قدامين علينا يا حيت أصلا ديما كنشريو الجديد ولخرين كايبقاو واخدين لينا بلاصة فالماريو بلا فايدة .. مي عرفتي ؟ نتا تقدر تاخذ بيهم بلاصة فالجنة إن شاء الله يلا خديتهم وقدمتهم للمساكن لي مفحالهمش مايقدروش يشريو حوايج كل وقت بحالنا .. منها تربح بلاصة فالماريو ديالك ويخفاف .. وأهم حاجة تربح أجر عظيم من الله إن شاء الله..

نتا شريتي لافيست ولا سروال جديد مي راه عندك واحد عام ولا عامين وهو مخبي فالبلاكار بين حوايجك نتا نسيتيه كاع واش كاين ، شفتي هادك وأي حاجة عندك سوا ملابس سوا أغطية أهم حاجة مايكنوش مقطعين خذوهم عملهم في كارطونة وعطيهم لواحد ماشرا والو هاد العام ولا واحد من المتشردين لي كنتلاقاوهم كل نهار وحنا خارجين راه كايبات فهاد البرد فالزنقة مسكين ونتا لك الأجر إذا كانت نيتك لله وفي سبيل الله ..
ونتوما البنات عارفة حنا لبنات عنا بزاااف حوايج مكنشبعوش منهم  وكل وقت كانشريو الجديد .. تعلموا تكونو أسخياء وعطيو كلما قدرتو تعطيوا ..

إحساس جميل بزاف مني كتقدم حاجة لشخص محتاج واخة نتا بالنسبة ليك رخيصة مي هو من كثر الحاجة ديالو ليها كايطير بالفرحة ونتا تكون أكثر سعادة منو والله حيت كنتي سبب فالسعادة ديال شخص أخر ..
وتذكر دائما أنت فقط سبب فالعاطي هو الله إِنَّمَا نُطْعِمُكُمْ لِوَجْهِ اللَّهِ لَا نُرِيدُ مِنكُمْ جَزَاءً وَلَا شُكُورًا

صدق الله العظيم

للاعلان هنا اضغط على الصورة

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

بالفيديو والصور: حملة تحسيسية بمدينة بن الطيب بمناسبة اليوم الوطني للسلامة الطرقية

Spread the loveبن الطيب سيتي   تخليدا لليوم الوطني للسلامة الطرقية الذي ...